ભયંકર અકસ્માત ના 7 લોકો ભોગ બન્યા, એક કાર વિજપોર સાથે અથડાય જેમા ધારાસભ્ય ના…
કર્ણાટકના બેંગલુરુમાં મોડી રાત્રે એક મોટો માર્ગ અકસ્માત થયો હતો, જ્યાં એક ઓડી કાર વીજપોલ સાથે ધડાકા સાથે અથડાઈ હતી. આ દર્દનાક અકસ્માતમાં 7 લોકોનાં મોત થયાં છે. તેઓ બધા કારમાં સવાર હતા. ટક્કર એટલી જોરદાર હતી કે કારનો કચ્ચરઘાણ નીકળી જતાં એ વિખેરાઈ ગઈ હતી. આ ઓડી Q3 કાર હોસુર ડી.એમ.કેના ધારાસભ્ય વાય. પ્રકાશની હતી, જે એક ભયાનક અકસ્માતનો શિકાર બની હતી.
આ અકસ્માતમાં ધારાસભ્યનાં પુત્ર અને પુત્રવધૂ બંનેનાં મોત થયાં હતાં. મળતી માહિતી મુજબ, અકસ્માત મોડી રાત્રે લગભગ 1.45 વાગ્યાની આસપાસ થયો હતો. આ અકસ્માત બેંગલુરુ શહેરના કોરમંગલામાં થયો હતો. કહેવામાં આવી રહ્યું છે કે ઓડી Q3 ખૂબ જ સ્પીડમાં હતી અને એને કારણે એ બેકાબૂ થઈને વીજપોલ સાથે ટકરાઈ હતી.
આ અકસ્માતમાં ડીએમકેના ધારાસભ્યનાં પુત્ર અને પુત્રવધૂ બંનેનાં મોત થયા હતાં. આ અકસ્માતમાં 7 લોકોનાં મોત થયાં છે, જેમાંથી 6 લોકોનાં તો ઘટનાસ્થળે જ મોત થયાં હતાં, જ્યારે એક વ્યક્તિનું હોસ્પિટલ જતાં રસ્તામાં મોત થયું હતું. અકસ્માતમાં જીવ ગુમાવનારાઓમાં 3 મહિલા અને 4 પુરુષ હતાં.
આ અકસ્માતમાં જીવ ગુમાવનારાઓની ઉંમર વધારે ન હોતી. તેમાંથી એક હરિયાણાનો અને એક કેરળનો રહેવાસી પણ હતો. અકસ્માતમાં જીવ ગુમાવનારાઓમાં કરુણા સાગર, બિંદુ (28), ઇશિતા (21), ડો.ધનાસુ (21), અજય ગોયલ, ઉત્સવ અને રોહિત (23) સામેલ છે.
નોંધ: આ વેબસાઇટ પર આપેલી તમામ ન્યૂઝ અને વાતો રીપોર્ટર દ્વારા રિપોર્ટ કરેલા છે અથવા તો કોક સોર્સ ઉપરથી લેવામાં આવેલા છે. અમારો પ્રયત્ન તમને શ્રેષ્ઠ માહિતી સતત પહોંચાડવાનો છે અને આગામી સમયમાં પણ રહેશે. ન્યૂઝ તથા અન્ય વાતો ની જવાબદારી જે તે લેખક તથા સોર્સ ની રહેશે. “ગુજરાત નો આવાઝ” વેબસાઇટ કે પેજ ની કોઈ જાત ની જવાબદારી રહેશે નહિ. અમારું પેજ “ગુજરાત નો આવાઝ” સારા સારા સમાચાર માણતા રહો અને શેર કરતા રહો!