સુરતની આ 22 વર્ષીય દીકરી બની “રિસાયક્લિંગ હીરો” ! મંદિરમાંથી નિકાલ થયેલ ફૂલો વડે…10થી પણ વધુ પ્રોડક્ટ્સ બનાવી વર્ષે કમાઈ છે લાખો રૂપિયા

મિત્રો તમને જણાવીએ તો સુરતની મૈત્રી જરીવાલા હોળી દરમિયાન ખૂબ જ વ્યસ્ત રહેતી હતી, કારણ કે તેની પાસે ઓર્ગેનિક રંગોના ઘણા ઓર્ડર હતા. તેણીએ તેણીનો ધંધો છેલ્લી હોળીથી શરૂ કર્યો હતો અને આ હોળી તેણી તેના વ્યવસાયના પ્રથમ સફળ વર્ષ (ડ્રાઈ ફ્લાવર બિઝનેસ)ની પણ ઉજવણી કરી રહી છે.

તેણી કહે છે, “મેં આ કામ એક નાનકડા પ્રોજેક્ટ તરીકે શરૂ કર્યું હતું અને આજે આ વ્યવસાય દ્વારા, નવ લોકોને રોજગારી આપવા સાથે, હું દરરોજ 50 થી 70 કિલો બાયોડિગ્રેડેબલ કચરાને યોગ્ય રીતે અપસાયકલ કરવામાં સક્ષમ છું. તે મારા માટે ગર્વની વાત છે.” કેમિકલ એન્જિનિયરિંગની વિદ્યાર્થિની, 22 વર્ષની મૈત્રીએ આ કામને તેના કૉલેજના અંતિમ વર્ષના પ્રોજેક્ટ તરીકે પસંદ કર્યું હતું. તે દરમિયાન તેમને કોલેજ તરફથી પણ ઘણો સહયોગ મળ્યો. તેમણે પોતે મંદિરમાંથી કચરાપેટીમાં જતા ફૂલોને ભેગા કરીને અલગ-અલગ ઉત્પાદનો બનાવવાનું શરૂ કર્યું.

આ સમય દરમિયાન તેમને સમજાયું કે આ કામનો વ્યાપ કેટલો મોટો છે. જો વધુ ફૂલો મળે, તો વધુ ઉત્પાદનો બનાવી શકાય છે. આનાથી ભગવાનને ચડાવવામાં આવતાં ફૂલોનો યોગ્ય ઉપયોગ તો થશે જ, પરંતુ કુદરતી સામગ્રીમાંથી બનેલી વસ્તુઓ પણ સામાન્ય માણસને ઉપલબ્ધ થશે. મૈત્રીએ સૌપ્રથમ મંદિરથી શરૂઆત કરી, જેના માટે તેણે સુરત મ્યુનિસિપલ કોર્પોરેશન પાસેથી પરવાનગી પણ લીધી.

ધીમે-ધીમે જ્યારે તેમનું કામ સારું થવા લાગ્યું ત્યારે તેમણે પાંચ મંદિરોમાંથી ફૂલ લાવવાનું શરૂ કર્યું અને આજે શહેરના 10 મંદિરોમાંથી ફૂલો અને પાંદડા ભગવાનને અર્પણ કર્યા બાદ તેમના ઘરે પહોંચાડવામાં આવે છે. પછી મૈત્રીની ટીમ તેમને અલગ કરે છે અને હોળી દરમિયાન અત્તર, મીણબત્તીઓ, અગરબત્તીઓ, સાબુ, વર્મી કમ્પોસ્ટ અને ઓર્ગેનિક રંગો બનાવે છે.

તે આ બિઝનેસ (ડ્રાઈ ફ્લાવર બિઝનેસ) પોતાના ઘરેથી ચલાવી રહી છે. સૌથી સારી વાત એ છે કે આ તમામ પ્રોડક્ટ્સ હેન્ડમેડ છે, એટલે કે તમામ પ્રોડક્ટ્સ અહીં કોઈપણ મશીન વગર તૈયાર કરવામાં આવે છે.એન્જિનિયરિંગનો અભ્યાસ કર્યા બાદ તેના પરિવારની ઈચ્છા હતી કે તે નોકરી કરે, પરંતુ જ્યારે મૈત્રીએ ઘરે તેના બિઝનેસની વાત કરી તો તેને તેના પરિવારનો પૂરો સહયોગ મળ્યો.

તે પોતાનો બિઝનેસ ઓનલાઈન ચલાવે છે અને તેમાંથી મહિને 40 થી 50 હજાર રૂપિયા કમાઈ રહી છે.પોતાના નવા વ્યવસાયની સૌથી મોટી ઉપલબ્ધિ વિશે વાત કરતાં તેણે કહ્યું કે વર્ષ 2021માં તેને દેશનો ‘રિસાયક્લિંગ હીરો’ જાહેર કરવામાં આવ્યો હતો. બિઝનેસના પહેલા જ વર્ષમાં તેમને સરકાર તરફથી મળેલી આ પ્રશંસાએ તેમનું મનોબળ વધુ વધાર્યું.