કચ્છ બાજુ જાવ તો ” કડિયા ધ્રો” ની મુલાકાત લેવાનું ના ભુલતા ! વિશ્વ ના 52 ફરવાલાયક સ્થળો મા છે સામેલ…
હાલમાં ચોમાસાની ઋતુમાં ચારોતરફ લીલીછમ હરિયાળી છવાઇ જાય છે, ત્યારે આજે અમે આપને એક એવા સ્થાની મુલાકાત કરાવીશું જે ખૂબ જ અદભુત અને અનોખું છે. આ સ્થાન લીલુંછમ તો નથી પરંતુ સૂકું હોવા છતાં અવિસ્મમણીય છે.
આપણે જાણીએ છે કે, ગુજરાતનો રણ પ્રદેશ એટલે કચ્છ. આમ પણ કચ્છ એટલે મેરુ, મહેરામણ અને મરુ ભૂમિનો પ્રદેશ અને એટલે જ અહીં કુદરતી મહેર તથા કહેર બાદ પણ ભૌગોલિક રચના નેકારણે કચ્છડો બારે માસ બોલાય છે.
આજે અમે આપને એક એવા જ સ્થાની મુલાકાત કરાવીશું
ભુજ થી 5 કિલોમીટર દૂર કોડકી માર્ગે આવેલું કડિયા ધ્રો કુદરતની ક્લાત્મકતાનું ઉત્તમ ઉદાહરણ સમું એક છે. આંખોને અકલ્પનીય તૃપ્તિ આપતું સ્થળ એટલે કડિયા ધ્રોધ.ખાસ તો હાલમાં ચોમાસાની સીઝનમાં વરસાદ પડતાં કુદરતી કોતરો અંદરના પાણી પહાડો સાથે સમાંતર સ્તરે આવી જાય છે, જેથી વરસાદી પાણી કોતરોની વચ્ચેથી નીચે ધોધરૂપી વહી નીકળે છે, જેને લઈ અદભુત દૃશ્યો સર્જાય છે.
આ ધોધની સુંદરતાને લીધે સ્થાનિક ફોટોગ્રાફર દ્વારા પ્રથમ વખત આ સ્થળને વિશ્વ ફલક પર મૂકવામાં આવ્યું હતું. ત્યાર બાદ 2021માં અમેરિકાના ન્યૂયોર્ક ટાઈમ્સ દ્વારા એને વિશ્વનાં 52 ફરવાલાયક સ્થળોની શ્રેણીમાં સામેલ કરવામાં આવ્યું હતું. અહીં ફરવા આવતા લોકો પ્રકૃતિપ્રેમીઓને સ્થાનિક લોકો પૂરતું માર્ગદર્શન પૂરું પાડી મદદરૂપ બનતા રહે છે.
ખાસ વાત એ છે કે, નખત્રાણા તાલુકામાં આવતા કડિયા ધ્રો સેંકડો વર્ષો દરમિયાન હવામાનના પ્રતાપે આકાર પામ્યો છે. ધ્રો એટલે મગરો માટેનું ઘર, જ્યાં તળિયા વગરની જમીન પર કોતરોમાં બારેમાસ પાણી જોવા મળે છે અને ચોમાસાની ઋતુમાં વરસાદ પડતાં કુદરતી કોતરો અંદરના પાણી પહાડો સાથે સમાંતર સ્તરે આવી જાય છે.
એ દરમિયાન એમાં વસવાટ કરતા મગરો અન્ય નદી-નાળાં તરફ પ્રયાણ કરી જાય છે. અહીં ગુજરાતી, હિન્દી ફિલ્મોના શૂટ પણ થઈ ચૂક્યા છે. આ કડિયા ધ્રો કચ્છના પર્યટનસ્થળમાં અદકેરું સ્થાન ધરાવે છે.